Vazhdojmë me projekte të mira në promovimin e Komunitetit tonë – Komunës së Tuzit në Evropë
Si edhe vitin e kaluar, edhe këtë vit, Komuna e Tuzit i është bashkëngjitur programit “Ritmi i Evropës” për fëmijë dhe të rinj nga Komuna jonë, prej moshës 12 deri në moshën 21 vjeçare, ku marrin pjesë ekipet prej më së paku 12 qyteteve të Malit të Zi.
Të rinjve u sigurohet gratis trajnimi skenik, televiziv dhe i këngës për prezantimin e shtetit, të cilin programi “Ritmi i Evropës” ia ndan qytetit nënshkrues – të rinjve tanë. Ata do të përgatiten për ta prezantuar më së miri qytetin e vet dhe një shtet të Evropës, sipas përcaktimit të organizatorit. Transmetimi final i drejtpërdrejt televiziv i të gjithë qyteteve dhe komunave pjesëmarrëse do të bëhet nga qyteti fitues në garat e vitit të kaluar të “Ritmit të Evropës” dhe do të përcillet drejtpërdrejt në njërin nga televizionet me frekuencë shtetërore në Mal të Zi .
Për fëmijët dhe të rinjtë ton vetëm më të mirat, sepse ata e meritojnë. Ata janë pjesë e Evropës! Andaj duhet të mendojmë për të ardhmen e tyre sa më të shpejtë evropiane.
Informatat më të detajuara do t’i fitoni në kohën e duhur.
KOMUNA E TUZIT
