Në kuadër të përgatitjeve për Kampionatin Evropian që prej të shtunës zhvillohet në Prishtinë, Kombëtarja U19 e Kosovës në hendboll të dielën luajti ndeshje miqësore me Bullgarinë U19.
Vajzat tona kishin paraqitje të mirë, ndërsa rezultati në fund ishte 23:23.
Pas pjesës së parë bullgaret ishin një gol para, 14:13. Më shumë se rezultati në këtë ndeshje kishte rëndësi testimi i formës së lojtareve dhe aplikimi i sistemeve të ndryshme të lojës në prag të Evropianit.
Ka pasur gjëra pozitive në lojën e Kombëtares sonë, por edhe gjëra që duhet të përmirësohen në ditët në vazhdim.
