Ambasada e ShBA-ve në Kosovë ka njoftuar se Policia e Kosovës, gjatë kësaj ka qenë pjesë e një trajnimi të mbajtur nga Programi Ndërkombëtar i Asistencës së Trajnimit të Hetimeve Kriminale (ICITAP) dhe Byroja Federale e Hetimeve (FBI).
Në njoftimin në “X” ambasada amerikane ka shkruar se pjesëtarët e Policisë së Kosovës dhe Inspektoratit policor u trajnuan në luftën kundër mashtrimit dhe pastrimit të parave.
“Forcimi i luftës kundër krimeve financiare: ICITAP & FBI udhëhoqën një kurs për Hetimet e Krimit të Jakës së Bardhë dhe Valutave Virtuale për Policinë e Kosovës, Inspektoratin Policor dhe prokurorët. Gjatë javës së Policisë, pjesëmarrësit fituan njohuri të vlefshme në luftën kundër mashtrimit dhe pastrimit të parave”, ka njoftuar ambasada. /Telegrafi/
