Në prag të ndeshjes së rëndësishme mes Shqipërisë dhe Andorrës, trajneri i ekipit të Andorrës, Koldo Alvarez, ka bërë një deklaratë interesante gjatë konferencës për mediat. Ai ka theksuar se, ndryshe nga ekipi i tij, për Shqipërinë fitorja në këtë ndeshje është një detyrim. Alvarez ka nënvizuar se presioni për të fituar është më i madh për ekipin shqiptar, duke pasur parasysh pritshmëritë e larta dhe rëndësinë e pikëve në kuadër të kualifikimeve për Kupën e Botës.
Nga ana tjetër, Alvarez ka shprehur qasje më të qetë për ekipin e tij, duke theksuar se Andorra synon të japë maksimumin në fushë dhe të përfitojë nga çdo mundësi që i jepet. Ai ka vlerësuar Shqipërinë si një ekip të fortë dhe me përvojë, por ka theksuar se Andorra nuk do të dorëzohet lehtë.
“E dimë vështirësine që ka ndeshja e nesërme, pasi Shqipëria e ka detyrim të marrë pikët, te bejë një ndeshje të bukur në shtëpi para tifozëve të saj. Është një ndeshje e komplikuar para një ekipi që dominon mbajtjen, qe dominon shumë lojën e drejtperdrejtë, gë ka prani edhe në goditjet standarte ne aspektin fizik. Eshtë një ekip gë kemi luajtur disa herë, ka shumë lojtarë me talente te ndryshme, shumë cilësi ne fazën ofensive, shumë cilësi në lojtarët e krahut dhe shumë punë fizike në aspektin mbrojtës. Kemi shembuj se si ata konkurruan në Europian”, tha Alvarez.
Kjo ndeshje pritet të jetë një sfidë e veçantë, ku Shqipëria do të kërkojë të përmbushë pritshmëritë e tifozëve dhe të sigurojë një fitore vendimtare, ndërsa Andorra do të luajë pa presion, duke synuar të surprizojë kundërshtarin. Arena Kombëtare në Tiranë do të jetë dëshmitare e një përballjeje emocionuese, ku të dyja ekipet do të luftojnë për pikët e çmuara.
Foto nga Google Images
