Xhudistja kosovare Distria Krasniqi po vazhdon paraqitjet mbresëlënëse në European Senior Championships 2026, duke siguruar një vend në gjysmëfinale pas dy fitoreve të rëndësishme.
Pas një kalimi pa luftë në xhiron e parë, Krasniqi hyri fuqishëm në garë në raundin e dytë, ku mposhti me Wazaari çekën Teresa Bodnarova. Ajo demonstroi kontroll dhe eksperiencë gjatë gjithë ndeshjes, duke mos lënë hapësirë për befasi.
Forma e saj e mirë vazhdoi edhe në çerekfinale, ku përballë kishte polaken Aleksandra Kaleta. Edhe në këtë duel, Krasniqi arriti të triumfojë me Wazaari, duke konfirmuar statusin e saj si një prej favoriteve për medalje.
Tashmë, sytë janë drejtuar nga gjysmëfinalja, ku ajo do të përballet me italianen Odette Giuffrida. Ky duel pritet të jetë një nga më të fortët e këtij kampionati, duke qenë se të dyja sportistet kanë përvojë të madhe në arenën ndërkombëtare.
Kualifikimi në këtë fazë është një tjetër dëshmi e nivelit të lartë të xhudos kosovare, ndërsa Krasniqi mbetet një nga shpresat kryesore për medalje në këtë kompeticion europian.
Foto nga Google Images
Artikulli pregatitur nga ACTVUSA
