Kanadaja ka njoftuar vendosjen e tarifave hakmarrëse deri në 50% ndaj qindra produkteve amerikane, duke përshkallëzuar ndjeshëm përplasjen tregtare me Shtetet e Bashkuara. Masa vjen si përgjigje ndaj tarifave të fundit të vendosura nga presidenti Donald Trump ndaj mallrave kanadeze.
Tarifat kanadeze do të prekin produkte amerikane me një vlerë prej rreth 27.6 miliardë dollarësh kanadezë dhe do të hyjnë në fuqi më 8 shtator. Ato do të variojnë nga 15% në 50%, duke synuar një gamë të gjerë produktesh, përfshirë çelikun, aluminin, pajisjet elektronike dhe elektro-shtëpiake, produktet bujqësore, materialet e ndërtimit, pajisjet hekurudhore dhe produkte të tjera industriale.
Qeveria e Otavës ka deklaruar se masa synon t’u përgjigjet tarifave prej 50% të vendosura nga Uashingtoni ndaj mallrave kanadeze me vlerë të ngjashme, duke zbatuar parimin “dollar për dollar”.
Kryeministri kanadez Mark Carney e ka cilësuar përplasjen si një moment të vështirë për marrëdhëniet tregtare mes dy vendeve, ndërsa negociatat e fundit për një marrëveshje dështuan. Kanadaja ka paralajmëruar se nuk do të heqë dorë nga kundërmasat nëse Uashingtoni nuk ndryshon qëndrim.
Përplasja e re tarifore pritet të ndikojë bizneset dhe konsumatorët në të dy anët e kufirit, duke rritur kostot për produkte dhe duke shtuar pasigurinë në një nga marrëdhëniet më të mëdha tregtare në botë.
Foto nga Google Images
Artikulli pregatitur nga ACTVUSA
