Nëse nuk dini ku ta kaloni fundjavën tuaj Kanioni i Holtës është vendi ideal për të shkuar. Një nga destinacionet ku mund të keni dëgjuar shumë pak , por që për shumë të huaj është kthyer në një pikë vizitimi.
Kanioni i Holtës gjendet në Gramsh, midis fshatit Bardhaj dhe atij Kabash. Ky kanion është formuar si pasojë e erozionit të lumit Holta dhe ka një shtrirje prej 3 km dhe është i thellë rreth 100 deri 150 m.
Në muret e kanionit mund të gjeni shpella karstike ku disa prej tyre janë të paeksploruara. Përreth lumit dhe kanioneve, në shpatet e maleve gjatë tij gjenden pyje ku gjenden specie mjaft të rralla kafshësh si edhe shpendësh.
Për të gjithë ata që kanë nevojë për relaksim nga ana mjekësore , në anë të shkëmbit, burojnë ujërat termale te ngrohta që ndihmojnë me sëmundjet. Ndërsa për ata që preferojnë aventurat , ky është vendi perfekt për ngjitje malore. Pa dyshim nje aventurë që nuk duhet humbur!
Foto marë nga Konica.
