Melania Trump është shfaqur, këtë të mërkurë në Capitol Hill, duke ndërmarrë një nismë të re për të bindur Kongresin amerikan që të miratojë ligje që zgjerojnë aksesin në shërbime për të rinjtë që jetojnë në sistemin e kujdesit familjar (foster care).
Në fjalën e saj, zonja e parë e cilësoi këtë çështje si një domosdoshmëri morale “imperativ moral”, duke theksuar se këta të rinj shpesh përballen me sfida të mëdha në arsim, punësim dhe stabilitet emocional pasi largohen nga sistemi i kujdesit.
Angazhimi i saj në këtë fushë nisi pas përfundimit të mandatit të parë të bashkëshortit të saj, Donald Trump, në vitin 2021. Që atëherë, ajo ka punuar në mënyrë të vazhdueshme për të rritur ndërgjegjësimin dhe për të ndikuar në politika që mbështesin fëmijët dhe të rinjtë në nevojë.
Vizita e fundit në Capitol Hill vjen pas një përpjekjeje të ngjashme lobuese vitin e kaluar, e cila rezultoi e suksesshme. Në atë rast, Kongresi miratoi një paketë ligjore që synon mbrojtjen e grave dhe fëmijëve nga shfrytëzimi seksual online — një çështje që ka marrë vëmendje të madhe në vitet e fundit.
Këtë herë, fokusi i saj është më i drejtpërdrejtë: sigurimi i më shumë burimeve dhe mbështetjes për të rinjtë që dalin nga sistemi i foster care, duke përfshirë akses më të mirë në edukim, kujdes shëndetësor dhe programe integrimi në shoqëri.
Nisma e saj pritet të nxisë debat në Kongres, ndërsa ligjvënësit shqyrtojnë mënyra për të përmirësuar politikat sociale për një nga grupet më vulnerabël në Shtetet e Bashkuara.
Foto nga profili i Zonjes se Pare Melania Trump
Artikulli pregatitur nga ACTVUSA
