Presidenti i SHBA-së, Donald Trump dhe Zonja e Parë, Melania Trump, mirëpritën ligjvënësit amerikanë dhe familjet e tyre në lëndinën jugore të Shtëpisë së Bardhë gjatë piknikut vjetor të Kongresit, një traditë që bashkon republikanë dhe demokratë në një atmosferë më të relaksuar dhe familjare.
Mbrëmja u zhvillua në South Lawn të Shtëpisë së Bardhë, ku të pranishmit shijuan ushqim, muzikë, aktivitete verore dhe takime larg tensioneve të zakonshme politike në Uashington. Sipas mediave amerikane, eventi solli së bashku anëtarë të të dy partive politike, të cilët morën pjesë së bashku me bashkëshortët dhe fëmijët e tyre.
Gjatë fjalës së tij, Trump e cilësoi aktivitetin si një festë të traditës amerikane dhe falënderoi anëtarët e Kongresit për punën e tyre. Ai u shfaq përkrah Melania Trump nga ballkoni i Blue Room, ndërsa më pas çifti presidencial përshëndeti personalisht shumë prej të ftuarve.
Melania Trump tërhoqi vëmendjen edhe me paraqitjen elegante pranverore, ndërsa fotografitë nga eventi treguan një atmosferë festive dhe më të ngrohtë mes figurave politike amerikane.
Pikniku i Kongresit është një traditë shumëvjeçare në Shtëpinë e Bardhë, që organizohet çdo vit për të krijuar një moment bashkimi mes liderëve politikë amerikanë dhe familjeve të tyre, larg debateve të përditshme politike.
Foto nga profili i White House
Artikulli pregatitur nga ACTVUSA
