Mbrëmjen e djeshme, besimtarët nga e gjithë bota u mblodhën për të ndjekur Via Crucis, një nga ritet më të përzemërta të së Premtes së Madhe. Ky pelegrinazh shpirtëror, i cili simbolizon rrugëtimin e Krishtit drejt Kalvarit, është një moment reflektimi dhe përkushtimi për miliona njerëz.
Në Romë, Papa Françesku udhëhoqi lutjet e Via Crucis në Koloseum, duke sjellë një mesazh të fuqishëm mbi vuajtjen, faljen dhe shpresën. Për herë të parë, ai vetë shkroi meditime për secilën stacion të Kryqit, duke ftuar besimtarët të ndiejnë thellësisht peshën e sakrificës së Krishtit dhe të reflektojnë mbi mëshirën hyjnore.
Via Crucis përbëhet nga 14 stacione, secila duke përfaqësuar një moment kyç të mundimit të Krishtit, nga dënimi i tij deri te varrosja. Besimtarët ecin në këtë rrugëtim shpirtëror, duke medituar mbi vuajtjen dhe dashurinë e pakufishme të Krishtit për njerëzimin. Ky rit nuk është vetëm një kujtim i së kaluarës, por edhe një thirrje për të jetuar me më shumë përkushtim dhe mëshirë në jetën e përditshme.
Në shumë vende, Via Crucis zhvillohet në rrugët kryesore të qyteteve, ku besimtarët mbajnë kryqe dhe ndjekin një itinerar të shenjtë. Në Vatikan, ky rit është një nga momentet më të rëndësishme të Javës së Shenjtë, duke mbledhur pelegrinë nga e gjithë bota C.
Ky pelegrinazh shpirtëror na kujton se vuajtja nuk është fundi, por një rrugë drejt shpresës dhe ringjalljes. Via Crucis mbetet një dëshmi e fuqishme e besimit dhe një moment i thellë reflektimi për të gjithë ata që e ndjekin.
Para ”Via Crucis”, në Bazilikën e Shën Pjetrit u kremtua riti i Pasionit, i kryesuar nga kardinali Claudio Gugerotti, i deleguar edhe nga papa Françesku.
”Në një botë copë-copë ka nevojë për lotë të sinqertë, jo lot sipas rrethanave”, shkruan Papa në tekstet e ”Via Crucis. Jezus… na sill të gjithëve në paqen e Shabatit dhe do të ketë paqe mbi popullin tënd dhe midis gjithë kombeve. Nje ekonomi ku 99 vlen më shumë se një është çnjerëzore. E megjithatë, ne kemi ndërtuar një botë që funksionon kështu, një botë llogaritjesh dhe algoritmesh, logjike të ftohtë dhe interesash të paepura”,- shkruan Papa
Foto nga Google Images
