Tina Turner, artistja legjendare ka ndëruar jetë në moshën 83-vjeçare të mërkurën ( 24 Maj) pas një sëmundjeje të gjatë.
Ylli i njohur vuajti nga disa probleme shëndetësore , duke u diagnostikuar me kancer të zorrëve në 2016-ën dhe duke iu nënshtruar transplantit të veshkës në 2017.
Zëdhënësi i saj njoftoi se :
“Tina Turner, ‘Mbretëresha e Rock’n Roll’-it ka ndërruar jetë sot e qetë në moshën 83-vjeçare pas një sëmundjeje të gjatë në shtëpinë e saj në Kusnacht afër Cyrihut, Zvicër. Me të, bota humbet një legjendë muzikore dhe një model.”
Tina ishte e famshme për performancat e saj energjike në skenë si dhe vokalin e saj të fortë e të fuqishëm.
Turner ka lindur në vitin 1939 në Brownsville, Tenesi. Ajo u bë e famshme duke qenë pjesë e dyshes “Ike and Tina Turner” në vitet ’70 përpara se të niste një karrierë solo që u bë një ndër më të suksesshmet e çdo interpretueseje femër në histori të muzikës. Ajo fitoi tetë çmime Grammy dhe u fut në Rock ‘n’ Roll Hall of Fame në 2021 si një artiste solo.
Foto nga Los Angeles Times , Google.
