Të shkuarit në plazh nuk shërben vetëm për t’u çlodhur dhe shkëputur nga puna, por është edhe e shëndetshme për trupin tonë, ndaj dhe ne ndihemi mirë pas disa ditësh pushime.
Ja sesi deti ju ndihmon me shëndetin:
Pastron mushkëritë dhe i ndihmon ato të funksionojnë më mirë.
Mineralet që përmban uji i detit ndihmojnë në pastrimin e rrugëve të frymëmarrjes, gjithashtu përmirëson simptomat e shkaktuara nga alergjitë dhe sëmundjet si sinoziti ose riniti.
Uji i detit, i pasur me kripë, ndihmon për të pasur një lëkurë të butë, të mbrojtur dhe të fortë.
Ai gjithashtu përmirëson shërimin,dhe është një nga zgjidhjet më të mira për rigjenerimin e indeve, si dhe një aleat i shkëlqyer për problemet e lëkurës si puçrrat, psoriasis apo dermatiti atopik.
Studimet pohojnë se ekziston një lidhje e drejtpërdrejtë mes detit dhe humorit të njerëzve, kjo, sipas ekspertëve, për shkak të përmbajtjes së lartë të magnezit në ujin e detit, që shkakton relaksim, qetësi dhe mirëqenie më të madhe te njerëzit.
Efekti i detit është i mirë për mendjen tonë, sepse si zhurma e valëve ashtu edhe uji në lëvizje përfshijnë pesë shqisat tona.
Ai vepron si një relaksues i muskujve. Jodi nxit rikuperimin nga disa lëndime, ndërsa notimi në det relakson muskujt. Është ideal për ata që janë duke bërë trajtime rehabilitimi ose pas operacionit.
Deti aktivizon qarkullimin e gjakut. Kjo ndodh sepse, kur futemi në ujë, ka një ndryshim në presion midis pjesës së trupit tonë që është zhytur në ujë dhe asaj që mbetet jashtë.
Foto nga Happiness.com , Google.
