Në hapësirën mbarë shqiptare, ajo konkurron me dinjitet në skenën e këngës popullore të veriut dhe të folkut. Me një vokal të admirueshëm, ajo është cilësuar nga mediat dhe fansat si (Princesha e Këngës Malsore”. Kjo është këngëtarja e mirënjohur Elvira Fjerza. Ajo njihet për këngë dhe hite mjaft të bukura e një këngëtare mjaft e kërkuar. Gjithmonë kërkuese ndaj vetes por edhe ndaj bashkëpunëtorëve. Ajo i këndon patriotizmit, bukurisë së vendit, dashurisë. Krahas performancave të saj në gëzime familjare, Elvira është aktivizuar edhe në skenë, në evenimente të ndryshme kulturore dhe artistike brenda dhe jashtë vendit. Natyra e saj energjike e kurajoze, talenti e pasioni për këngën e muzikën, janë faktorët kryesorë që e bënë të njohur emrin e saj. Çdo këngë e saj është kthyer në hit, duke numëruar miliona klikime për çdo album, e cila përkthehet në një sukses të padiskutueshëm. E rëndësishme është se ne rrugën e vështirë, por të bukur te artit muzikor, Elvira ka shënuar suksese dhe është premtuese për te qene sa më e suksesshme! Në një intervistë këngëtarja Elvira Fjerza na rrëfen planet e afërta të saj në fushën e muzikës, emocionet që ka marrë pas publikimit të çdo albumi, si dhe vështirësitë në tregun aktual të muzikës shqiptare.
Në cilin zhaner muzikor e gjen më mirë veten Elvira Fjerza?
Kryesisht veten e gjej në muzikën tradiconale popullore të zonës së veriut të vendit.
A është menaxhim i mirë dalja jo me tepri në ekrane? Nga ana tjetër dalja e shpeshtë duket si konsumim apo jo?
Kur njerzit të duan dhe të adhurojnë nuk mendoj që është tepri, përkundrazi është kënaqësi kur shikon suksesin që të jep publiku.
Cili është çelësi i suksesit të këngëve të tua, ndoshta mosrënia në përsëritje?
Jam munduar të sjell vetëm projekte të reja që në fakt janë bërë hite, por nuk kam anashkaluar dhe projekte të përsëritura që i kam risjell në treg dhe janë pritur shume mirë , dhe kanë marrë me miliona klikime madje.
Cili eshte projekti muzikor qe keni ne planet e aferta?
Kam shumë projekte dhe nuk e di se cila do dalë më parë, pasi çdo muaj sjell një këgë të re.
Si është jeta mes Shqipërisë dhe udhëtimeve të punës? Cilat vende ku ke kënduar të kanë lënë përshtypjet më të mira? Si i pret diaspora shqiptare këngët popullore, por jo vetem keto, te gjitha kenget shqiptare?
Shqiperia është vendi im i preferuar, këtu kam shume punë me dasma sidomos, por dhe jashtë kufijve pritem shumë mirë dhe njerëzit e duan muzikën time. Diaspora na pret shumë mire pasi rrymat muzikore janë të ndryshme dhe të gjithë kemi adhuruesit tanë.
Është e vërtetë që unë kam udhëtuar shumë dhe arsyeja ka qenë pikërisht kënga popullore bio, e cila na ka bërë që të ndjehemi të vlerësuar edhe nëpër vendet e largëta. Unë kam qenë në koncerte në SHBA, ku kemi organizuar disa koncerte bashkë me këngëtarët e muzikës popullore. Deri dje e donim dhe e dashuronim, por që tani jemi dhe borxhli sepse në saj të asaj kënge kemi çuar një copë Shqipëri te shqiptarët që jetojnë prej vitesh në këto vende të largëta. Ka një gjë që këngën popullore kur e dëgjon këtu ndoshta nuk ka atë vëmendjen e duhur, por kur shkon atje larg në dhe të huaj, sjell me vete shumë kujtime. Na kanë pritur shumë mirë dhe dua të them se ka një emocion më ndryshe, sepse është publiku ai që të përcjell emocionin e vet dhe jemi magjepsur edhe me veten tone, por dhe me ata që na dëgjonin gjatë interpretimeve.
Aktualisht keni ftesa për koncerte jashtë vendit dhe nga kush?
Po, kam shumë ftesa në gjithë Europën dhe përtej oqeanit Usa ,Kanada ,etj Aktualish kam marrë ftesën e kompanisë “ALBANIAN ENTERTAINMENT LLC” nga presidenti i kësaj kompanie, të cilin unë e falënderoj shumë z.Hysen Elmazaj, i cili është shumë i njohur në organizimin e shumë koncerteve të suksesshme në Michigan në SHBA, për të qenë pjesë në disa koncerte për bashkëkombësit tanë atje për festat tradicionale, por edhe për festat kombëtare.
Cila është kënga që të ka sjellë suksesin?
Janë shumë këngë, pasi të gjitha janë hite dhe s’po di kë të veçoj në fakt.
Nëse nuk ishe këngëtare, për çfarë do ishim duke folur sot?
Ndoshta do isha bërë një politikane.
Muzika popullore është vulë në zemrat e shqiptarëve, zëri yt duket se ka fjetur në këtë zhanër shumë mirë, si e shikon muzikën në lëmin e saj, progres apo regres?
Jam e lumtur për punën që bëj dhe e bëj me kënaqësi, e shikoj progres shumë madje sepse ecuria ime për kaq pak vite është shumë hapa përpara.
Intervistoi: Eglantina Alliaj
