Portreti i fundit i pikturuar nga Gustav Klimt, “Dame mit Fächer” do të dalë në ankand nga Sotheby’s në fund të muajit.
Me një çmim të vlerësuar prej 80 milionë dollarësh, ajo mund të bëhet fare mirë piktura më e shtrenjtë e shitur ndonjëherë në Evropë.
Veprat më të shtrenjta të artit të shitura në ankand në Evropë përfshijnë “Walking Man I” nga Alberto Giacometti për 104.3 milionë dollarë në shkurt 2010, rekordin për çdo vepër arti të shitur në ankand në Evropë dhe “Le Bassin Aux Nymphéas” nga Claude Monet për 80.4 milionë dollarë në Qershor 2008, i cili aktualisht mban rekordin për çdo pikturë të shitur në ankand në Evropë.
Gustav Klimt ishte një piktor simbolist austriak dhe një nga anëtarët më të shquar të lëvizjes për shkëputjen e Vjenës. Klimt shquhet për pikturat, muralet, skicat dhe objektet e tjera të artit. Tema kryesore e Klimt ishte trupi femëror dhe veprat e tij karakterizohen nga një erotizëm i sinqertë.
