Personi më i vjetër i njohur në botë, murgesha franceze Lucile Randon, ka vdekur në moshën 118-vjeçare.
Randon, e njohur si Motra André, lindi në Francë më 11 shkurt 1904, kur Lufta e Parë Botërore ishte ende një dekadë larg.
Ajo vdiq në gjumë në shtëpinë e saj të pleqve në Toulon, tha zëdhënësi David Tavella të martën.
Ajo ishte e konsideruar prej kohësh si evropianja më e vjetër, përpara vdekjes së japonezit Kane Tanaka në moshën 119-vjeçare vitin e kaluar.
Në vitin 2021, ajo i mbijetoi një periudhe të Covid-19 pasi virusi përfshiu shtëpinë e të moshuarve ku ajo jetonte.
Në atë kohë, ajo i tha gazetës Var-Matin: “As nuk e kuptova se e kisha atë”.
Tavella i tha gazetës se murgesha nuk kishte treguar frikë nga virusi.
Ka të ngjarë që personi i ri më i vjetër i Francës tani ështe 112-vjeçarja Marie-Rose Tessier, një grua nga Vendee, ka shprehur për AFP eksperti i jetëgjatësisë Laurent Toussaint.
Por Toussaint paralajmëroi se ishte gjithmonë e mundur që një person edhe më i moshuar të mos ishte bërë ende i njohur.
Jeanne Calment, e cila vdiq në vitin 1997 në moshën 122 vjeçare në Arles, Francë, mban rekordin për moshën më të vjetër të konfirmuar të arritur nga çdo njeri.
Foto marë nga gazeta People.
