Klubet përveç që po përballen me peripeci të mëdha të ekzistimit, tani iu shtohet edhe një barrë tjetër në qytetin e Gjakovës!
Një barrë e rëndë siç thotë edhe kryetrajneri i klubit të boksit Gjakova 137, dhjetë euro duhet të paguajnë në orë për stërvitje në palestrën e sportit “Shani Nushi” në Gjakovë, objekt që u ndërtua me djersën e qytetarëve.
“Deri tash ishim në pushim. Në palestër na thanë se tash e tutje ora për stërvitje është 10 euro.
Kjo shifër është e papërballueshme, nuk mund të marrin pjesë as në gara nëse nuk hiqet kjo barrë”, thotë Thaçi për gazetën kombëtare “Bota sot”.
Thaçi e quan çmenduri vendimin e asamblesë komunale në Gjakovë.
“Kjo është çmenduri.
Kjo është me godit me shqelm sportin, ndryshe nuk shpjegohet.
Drejtori i sallës më ka thënë se ky vendim është nga asambleja komunale.
Kurrë kjo nuk ndodhur kur dihet se palestra është ndërtuar me djersën e qytetarëve.
Të gjithë e dimë se KBO Gjakova 137 është klubi më i edukuar në Gjakovë, klubi më i disiplinuar.
Nëse vazhdon kështu klubi duhet mu shuar sepse është e papërballueshme.
Nuk kemi mjete financiare.
Punojmë vullnetarisht që nga pas lufta. Komuna kurrë nuk ka marrë iniciativë që të paguajë kubin e boksit”, ka përfunduar Thaçi.
/BotaSot/
