E rrethuar nga male të larta dhe e përshkuar nga një lumë, Lugina e Thethit ofron një peizazh të mrekullueshëm për vizitorët.
Ujëvara e Thethit – ose Grunasit – është një kaskadë bukurie, lehtësisht e vizitueshme nëse ndodheni në Theth.
Ujëvara ka një gjatësi 25 metra dhe uji rrjedh përmes një mali gëlqeror për të rënë në një pellg blu, duke formuar një pamje fantastike .
Është vëndi perfekt për të notuar ndonëse uji është tepër i ftohtë.
Kjo ujëvarë mbrohet si monument natyror që prej vitit 2002 dhe është pjesë e pasurive të Parkut Kombëtar Theth.
Ujëvara është pjesë e shumë burimeve ujore që e dallojnë zonën e Thethit nga të tjerat. Majat e alpeve që rrethojnë komunën e Shalës janë të mbuluara çdo periudhë të vitit me borë dhe si pasojë janë burimi kryesor i ujit për Ujëvarën e Grunasit.
Çfarë do të vini re në udhëtimin tuaj për aty?
Disa vende që bien në sy gjatë rrugës janë një urë e vogël moderne për këmbësorë me shina të kuqe dhe një kafene e bukur (Kunora e Grunasit) me pamje fantastike.
Ndërsa në fund në pikën përfundimtare, do të gjeni ujëvarën 25 metra të lartë që rrjedh direkt nga një e çarë në një mur gëlqeror. Kur dielli e godet drejt, një ylber piktoresk formohet mbi pishinën e lartë në bazën e tij. Megjithatë duhet përmendur se shkëmbinjtë janë jashtëzakonisht të rrëshqitshëm nga vitet e rrjedhjes së ujit, kështu që duhet të jeni të kujdesshëm.
Foto marë nga Thethi Guide.
