Gjatë qëndrimit të në Uashington kryesia e lartë e shoqatës “Jehona e Malësisë” së bashku me kryetarin e komunës së Tuzit Z.Nik Gjeloshaj kan realizuar takim me z.Gary Peters, Albanian Issues Co-Chair në Senatin amerikan,thuhet në komunikatën e shoqatës “Jehona e Malësisë”.
“Knaqësi dhe privilegj të flasës me personalitete të shquara si z.Peters,i cili gjithmonë ka kontribuar për përfaqisimin e komunitetit shqipatrë në SHBA,si dhe promovimin e bashkëpunimit të ngushtë mes dy popujve,kan theksuar ata.
Në takim ndër të tjera është biseduar me theks të veçantë roli i shqipatrëve në politikbërjen në Mal të Zi,rolin e rëndësishëm të zgjedhjeve të 5 Marsit në komunën e Tuzit e cila falë udhëheqësisë së mirë për katër vite u kthye në histori suksesi në kryeqendrën zhvillimore në tërë shtetin,komunë kjo e cila ishte lënë pas dore tërësisht nga strukturat e mëparshme antishqiptare.
Ja postimi i plotë i shoqatës “Jehona e Malësisë”
Gjatë qëndrimit tonë në Uashington, patëm privilegjin të takoheshim me Gary Peters, Albanian Issues Co-Chair në Senatin amerikan.
Është gjithmonë kënaqësi të flasësh me personalitete të shquara si z. Peters, i cili vazhdimisht kontribuon në përfaqësimin sa më të mirë të komunitetit tonë në SHBA, si dhe në promovimin dhe përmirësimin e bashkëpunimit të ngushtë mes popullit amerikan dhe atij shqiptar. Ne ia prezantuam senatorit të nderuar nevojat dhe sfidat me të cilat ballafaqohen shqiptarët, për të cilat ai na dha mbështetjen e plotë duke promovuar në mënyrë aktive Komunën e Tuzit si shembullin më të mirë të udhëheqjës së suksesshme të shqiptarëve të bashkuar. Një komunë e lënë pas dore tërësisht nga strukturat e mëparshme antishqiptare, në vetëm 4 vite u kthye në një histori suksesi dhe në kryeqendren zhvillimore në tërë shtetin. Kjo dëshmon se Malësinë e duan dhe më së miri e udhëheqin vetëm shqiptarët, dhe me miqtë dhe aleatët tanë, si senatori Peters dhe miq të tjerë të respektuar që takuam këto ditë, suksesi ynë është i garantuar.
