Shumë nga ne urrejmë mendimin e të bërit një dush të ftohtë gjatë ditës e sidomos në mëngjes. Do të ishte e tëmershme apo jo? Por e vërteta qëndron se kjo nuk mund të jetë gjithmonë dicka e keqe.
Shumë persona e bëjnë këtë me qëllimin për të mirëmbajtur shëndetin e tyre, lëkurën,si dhe flokët. Po në cfarë ndihmon dushi i ftohtë?
- Efektivitetin tonë
Nëse bëni dush në mëngjes, disa minuta nën ujë të ftohtë mund t’ju zgjojnë në mënyrë më efektive sesa një ekspres. Nuk është vetëm tronditja e të ftohtit që ju bën të zgjoheni – është gjithashtu mënyra se si trupi juaj reagon për t’ju mbajtur të ngrohtë. Në temperatura të ftohta, trupi juaj do të stimulojë frymëmarrje më të gjata dhe më të thella në mënyrë që të merrni më shumë oksigjen dhe do të rrisë rrahjet e zemrës për të ndihmuar në rrjedhën e gjakut.
- Djegien e yndyrës
Dushet e ftohta madje mund t’ju ndihmojnë të humbni peshë. Yndyra është ajo e cila e mban trupin tonë ngrohtë, e cila digjet gjatë këtij procesi. Pra, nëse doni të lëvizni metabolizmin tuaj, vazhdoni stërvitjen duke u futur nën ujin e ftohtë pasi të shkoni në palestër. - Të pasurit lëkurë dhe flokë të gjallë
Nëse keni lëkurë të yndyrshme ose puçrra, kjo mund të jetë një pjesë që ndryshon gjithë rutinën tuaj të kujdesit të lëkurës. Përsa i përket flokëve tuaj, uji i ftohtë mund të ndihmojë në rrafshimin e fijeve në mënyrë që ato të duken më të shndritshme dhe mund të ndihmojë dhe në shëndetin e përgjithshëm të kokës. - Ndihmues si qetësues i dhimbjeve të muskujve
Një nga arsyet pse atletët profesionistë bëjnë banjë me akull pas stërvitjes është sepse qetëson muskujt e lodhur. Një dush i ftohtë mund të ofrojë të njëjtat përfitime dhe është veçanërisht i dobishëm për të minimizuar intensitetin e dhimbjes së muskujve të vonuar. Provoni dush të ftohtë pas stërvitjeve tuaja për një javë dhe shikoni nëse mund të dalloni ndryshimin.
Dushi i ftohtë nuk është për të gjithë, por nëse e bëni atë shpesh, mund të zbuloni se nuk është aq i vështirë dhe se përfitimet i tejkalojnë efektet e pakëndshme. Edhe nëse nuk ju pëlqen dushi juaj i ftohtë , dijeni se mund të keni disa përfitime.
Foto nga iStock.
