Cilësuar edhe si një nga burimet më të mira të gjendura në Europë, zona e Bënjës ka arritur pikun e saj përsa i përket vizitorëve dhe frekuentimit të saj.
Banjat e Bënjës gjenden rreth 14 kilometra larg qytetit jugor të Përmetit në komunën Petran, pranë fshatit të Bënjës.
Ky burim në natyrë, në një hapsirë të hapur preferohet nga vizitorët pikërisht për shkakun se ka efekte terapeutike nga më të ndryshmet . Si psh. të ndihmojë në kurimin e sëmundjeve të stomakut, reumatizmës, veshkave, lëkurës etj.
Pishinat termale të Benjës jo vetëm që janë të rekomanduara nga mjekët për përfitimet e tyre shëndetësore, por janë gjithashtu të mrekullueshme për t’u zhytur në to për një kënaqësi që ofron uji i pastër.
Ujërat rrjedhin nga humnerat e thella të shkëmbinjve që rrethojnë kanionin e Langaricës. Ata janë të njohur për shërimet e tyre shëndetësore që nga lashtësia.
Uji i tyre mban një temperaturë konstante gjatë gjithë vitit. Thënë kjo , vëndi bëhet lehtësisht i vizitueshëm edhe gjatë dimrit.
Afër tyre mund të vizitohen edhe monumente kulturore si:
Ura e Katiut dhe Kanionet e Langaricës.
Foto marë nga AgroWeb
