Xhiro-ja e 13-të e Premier Leagues hapet sot me një super derbi anglez.
Dy rivalët më të mëdhenj viteve të fundit, Manchester City dhe Liverpool hapin sot xhiron e javës pas një pushimi 2-javor, në një përballje titanësh, raporton Sinjali Sporti.
Skuadra e Pep Guardiolas i bën konak në Etihad skuadrës së Jurgen Klopp, në duelin që fillon nga ora 13:30.
Trajneri i Manchester Cityt, Pep Guardiola, shpreson se Erling Haaland do të jetë i aftë për të luajtur, por thotë se dëmtimi i kyçit të këmbës së sulmuesit i ka shkaktuar atij disa shqetësime në stërvitje.
Ederson dhe Nathan Ake gjithashtu duket se janë të disponueshëm pavarësisht tërheqjes nga detyra ndërkombëtare.
Mateo Kovacic, Sergio Gomez dhe Matheus Nunes janë në dyshim, ndërsa Kevin de Bruyne dhe John Stones mbeten jashtë.
Mesfushori i Liverpool, Alexis Mac Allister, rikthehet pas suspendimit.
Ibrahima Konate, Curtis Jones, Ryan Gravenberch dhe Joe Gomez të gjithë kanë rifilluar stërvitjet dhe janë kthyer në garë, por Andy Robertson, Thiago Alcantara dhe Stefan Bajcetic janë ende jashtë fushës.
Statistikat kokë-më-kokë:
Manchester City synon të mposhtë Liverpoolin në ndeshje të njëpasnjëshme të ligës për herë të parë që nga një sekuencë me katër ndeshje midis 1935 dhe 1937.
Fitorja e vetme e Liverpoolit në 14 ndeshjet e fundit të Premierligës si mysafir ndaj Cityt ishte 4-1 në nëntor 2015 në sezonin e parë të Jurgen Klopp në krye (5 barazime, 8 humbje).
Fitorja më e fundit e Reds në Etihad Stadium ishte 2-1 në një ndeshje të dytë çerekfinale të Ligës së Kampionëve në prill 2018, duke i dërguar ata në rezultatin e përgjithshëm 5-1.
Manchester City
Një fitore e 24-të radhazi në shtëpi në të gjitha garat për Manchester Cityn do të barazonte rekordin e një klubi të ligës angleze, të vendosur nga Sunderland midis 1890 dhe 1892.
Skuadra e fundit vizitore që shmangu humbjen si mysafir ndaj Cityt ishte fqinji i Liverpoolit, Everton në një barazim 1-1 më 31 dhjetor 2022.
City po lufton për të barazuar një rekord klubi duke shënuar të paktën tre herë në gjashtë ndeshje radhazi të ligës dhe kupës.
Erling Haaland është një më pak se 50 gola në Premier League. Ai ka bërë 47 paraqitje në divizion; rekordi për arritjen e një gjysmë shekulli gola në më pak ndeshje është 65 nga Andrew Cole.
Haaland ka shënuar kundër 19 nga 21 skuadrat me të cilat është përballur në Premier League. Përjashtim bëjnë Liverpool dhe Brentford, megjithëse ai ka shënuar kundër Reds në Kupën EFL dhe për Red Bull Salzburg në Champions League.
Julian Alvarez ka 17 gola në 18 ndeshje si startues në shtëpi për Manchester Cityn në të gjitha garat.
Liverpool
Liverpool u mundën 2-1 në Tottenham në shtator, por kjo është humbja e tyre e vetme në 23 ndeshje të Premierligës (15 fitore, 7 barazime).
Liverpool është pa fitore në tre ndeshjet e fundit si mysafir dhe nuk ka arritur të mbajë portën e pastër në shtatë ndeshje të ligës në rrugëtim, duke pranuar gjithsej 12 gola.
Ata kanë fituar vetëm një pikë nga gjashtë ndeshjet e fundit si mysafir kundër kampionëve në fuqi që kur mposhtën Chelsean në tetor 2015 për t’i dhënë Jurgen Klopp fitoren e tij të parë në Premier League.
Mohamed Salah është një gol larg nga 150 golat e Premierligës (përfshirë dy për Chelsean), ndërsa një dopietë do ta bënte atë lojtarin e pestë që shënon 200 gola për Liverpool në të gjitha garat.
Të nëntë asistimet e Darwin Nunez për Liverpoolin në ligë dhe kupë kanë qenë për Salah.
Parashikim i ndeshjes: Man City 1-1 Liverpool
/BotaSot/
