Sot, në Prishtinë, është inauguruar Mitropolia e parë Ortodokse Shqiptare e Kosovës, një moment historik për komunitetin ortodoks shqiptar në vend. Ceremonia u drejtua nga kryepeshkopi i parë i Kosovës, Nikollë Xhufka, i cili e cilësoi këtë hap si një kapitull të ri për besimtarët ortodoksë shqiptarë dhe për vetë Republikën e Kosovës.
Në një deklaratë për mediat, Xhufka theksoi se hapja e Mitropolisë është rezultat i vetëdijesimit të komunitetit ortodoks shqiptar, duke shprehur rëndësinë e këtij institucioni për ruajtjen e identitetit fetar dhe kulturor. Ai shtoi se kishat ortodokse shqiptare kanë qenë një pjesë e rëndësishme e historisë dhe traditës kombëtare, dhe se ky hap do të ndihmojë në forcimin e pozitës së komunitetit ortodoks në Kosovë.
“Nga sot në këtë ditë të pashkësh fillon një kapitull i ri për besimtarët ortodoks shqiptarë në Kosovë. Po ashtu për vetë Republikën e Kosovës është me rëndësi që ta ketë Kishën e vetë Ortodokse Autoqefale Shqiptare. Shqiptarët e Kosovës kanë pasur nevojë për këtë ngjarje që po ndodhë në një ditë si kjo Pashkësh. Por është me rëndësi për besimtarët që të kenë para së gjithash atdheun e tyre”, ka thënë Xhufka.
Mitropolia është vendosur në lagjen Ulpiana të Prishtinës dhe do të qëndrojë e hapur për vizitorë nga ora 10:00 deri në 17:00. Xhufka ka theksuar se do të kërkojë që komuniteti ortodoks shqiptar të përfshihet në legjislacionin që rregullon pozitën juridike të bashkësive fetare në Kosovë.
Ky inaugurim shënon një hap të rëndësishëm për autonominë fetare të shqiptarëve ortodoksë në Kosovë, duke krijuar një hapësirë të re për praktikimin e besimit dhe për ruajtjen e traditave ortodokse shqiptare.
Foto nga Google Images
