Presidenti i Shteteve të Bashkuara, Donald Trump, ka lëshuar një nga paralajmërimet më të forta ndaj Iranit, duke deklaruar se ka dhënë urdhra për një kundërpërgjigje ushtarake masive nëse regjimi iranian ndërmerr ndonjë atentat ndaj tij.
Në një postim në platformën e tij Truth Social, Trump shkroi se Shtetet e Bashkuara kanë “1,000 raketa të ngarkuara, të bllokuara dhe të drejtuara” drejt Iranit dhe se mijëra të tjera janë gati të përdoren në rast se Teherani vepron sipas kërcënimeve të tij.
“1,000 raketa janë të ngarkuara dhe të bllokuara dhe të synuara drejt Republikës Islamike të Iranit. Nëse qeveria iraniane vepron sipas kërcënimeve të saj për të vrarë ose për të tentuar të vrasë Presidentin në detyrë të Shteteve të Bashkuara, urdhrat janë dhënë tashmë,” shkroi Trump.
Presidenti amerikan shtoi se ushtria amerikane është e gatshme të veprojë menjëherë dhe se, nëse një sulm i tillë do të ndodhte, Irani do të përballej me një përgjigje që ai e përshkroi si “shkatërruese”, duke paralajmëruar se objektivat iraniane mund të goditeshin në shkallë të gjerë.
Deklarata vjen në një periudhë tensionesh të larta mes Uashingtonit dhe Teheranit. Gjatë ceremonive mortore të ish-udhëheqësit suprem iranian Ali Khamenei, në Iran u dëgjuan thirrje dhe u shfaqën pankarta që bënin thirrje për vrasjen e Donald Trumpit, zhvillime që administrata amerikane i ka marrë seriozisht.
Megjithatë, ekspertët ligjorë theksojnë se, edhe nëse ekzistojnë plane ose udhëzime të parapërgatitura, çdo vendim për përdorimin e forcës ushtarake do të duhet të zbatohet sipas procedurave kushtetuese amerikane dhe nuk aktivizohet automatikisht në rast të një atentati ndaj presidentit.
Deklaratat e Trump pritet të shtojnë më tej tensionet në Lindjen e Mesme, në një kohë kur marrëdhëniet mes SHBA-së dhe Iranit mbeten ndër më të brishtat e viteve të fundit.
Foto nga Google Images
Artikulli pregatitur nga ACTVUSA
