Pjetër Sufaj ky djalë Malësor i cili jeton dhe vepron në Michigan të shteteve të
Bashkuara të Amerikës, po tregon me veprat e tij të mbushura me atdhedashuri dhe humanizëm se është djalë i Kastratit, dhe është shumë krenar për këtë.
Pjetri cili edhe pse është lindur larg vendit të tij të origjinës ai nuk e harron kurrë vendin e babës e babëgjyshit, prandaj që katër vite me radhë, ai në prag të festës së Krishtlindjes sjell dhurata në shkollën At Pal Doda në Bratosh.
Në këtë vepër humane Pjetri nuk është i vetëm, krah i është bërë bashkëshortja e tij Zonja Violeta, ku dhe mendojnë që ta kthejnë në traditë të vazhdueshme sjelljen e (babagjyshit) dhe dhuratat e shumta për nxënësit dhe mbarë kolektivin e shkollës.
Ne ishim sot të pranishëm në ndarjen e dhuratave, për fëmijët e kësaj shkolle 9-vjeçare. Fëmijët ishin shumë të lumtur aty pranë Babagjyshit i cili ju ndante dhuratat këtyre nxënësëve të mrekullueshëm që rrezatonin lumturi në fytyrat e tyre të njoma.
Kolektivi i mësuesëve dhe nxënësëve të kësaj shkolle e falenderuan Zotin dhe Zonjën Pjetër dhe Violeta Sufaj për dhuratat dhe për angazhimin e përvitshëm të kësaj tradite të realizuar nga kjo famijle e mrekullueshme e cila jeton në Michigan të Shteteve Të Bashkuara Të Amerikës.By Pal Qarraj/actvusa.com.