Trump ndan momentin me ushtarët amerikanë: “Air Force One” i ri viziton RAF Mildenhall gjatë kthimit nga Turqia
Presidenti i Shteteve të Bashkuara, Donald J. Trump, ka ndarë me ndjekësit e tij një moment të veçantë gjatë udhëtimit të kthimit nga Turqia drejt Shteteve të Bashkuara, ku ai u takua me avionin e ri presidencial “Air Force One” dhe me ushtarët amerikanë në bazën ajrore britanike RAF Mildenhall.
Në një postim në platformën e tij sociale, Trump shkroi se avioni ishte dërguar më herët në RAF Mildenhall me kërkesë të bazës, për t’ua prezantuar trupave amerikane që shërbejnë atje.
“Sapo zbarkuam dhe u takuam me Air Force One tonë të ri, i cili ishte dërguar më parë në RAF Mildenhall, në mënyrë që t’ua tregonim ushtarëve të mrekullueshëm, sipas kërkesës së të gjithë Bazës. Ata ishin shumë të emocionuar”, shkroi Trump duke publikuar edhe një fotografi nga takimi.
Presidenti theksoi se ndalesa ishte bërë praktikisht pa devijim nga itinerari i fluturimit dhe ishte një mundësi për të falënderuar ushtarët amerikanë për shërbimin e tyre.
Vizita në RAF Mildenhall, një nga bazat kryesore të Forcave Ajrore të SHBA-së në Evropë, vjen në një kohë kur programi i modernizimit të avionëve presidencialë vazhdon të jetë në qendër të vëmendjes. “Air Force One” është një nga simbolet më të njohura të presidencës amerikane dhe përdoret për transportin e presidentit gjatë udhëtimeve brenda dhe jashtë vendit.
Takimi i Trump me ushtarët u cilësua nga mbështetësit e tij si një tjetër moment që vë në pah lidhjen mes presidentit dhe trupave amerikane që shërbejnë në misione ndërkombëtare.
Foto nga Google Images
Artikulli pregatitur nga ACTVUSA
