Siguria kombëtare e Kosovës, mund të vihet në rrezik nga përdorimi i rrjetit social Tik-tok, i cili ka gjetur përdorim të gjerë në gjithë vendin.
Komisionarja e Agjencisë së Informimit dhe Privatësisë, Krenare Sogojeva Dërmaku, bëri thirrje që së bashku me institucionet e sigurisë do të fillojnë një analizë dhe vlerësim nëse “TikTok” duhet të ndalohet në Kosovë.
Ajo shtoi se TikTok mundëson mbledhjen e të dhënave personale.
Sogojeva Dremaku tha se kur të ngrihet kjo çështje, do të fillojnë të analizojnë situatën së bashku me institucionet e sigurisë, por Qeveria do të vendos që ta ndalojë këtë aplikacion.
“Ne do të ulemi bashkë të gjithë akterët e ta bëjnë një vlerësim paraprak. Të shohim se ku dhe çka mund të rrezikojë në aspektin e sigurisë kombëtare përdorimi i kësaj platforme”, tha ajo.
Komisionerja tha se pret që së bashku me institucionet të paraqesin një propozim pranë autoriteteve më të larta për një ndalim të mundshëm të “TikTok”.
Foto nga CNA.al, Google.
