Është bërë mëse normale që gjatë ditës ne t’a kontrollojmë telefonin tonë disa herë . Madje edhe kur ai nuk tringëllon dhe na njofton nga miqtë ose nga puna, përsëri kemi prirjen ta shohim atë.
Shumica e njerëzve e kontrollojnë telefonin e tyre çdo 15 minuta ose edhe më pak se aq, gjithmonë bazuar në sa të varur mund të jemi . Kjo ndodh edhe pa praninë e lajmërimeve që vijnë prej tij.
Për shkak kësaj , kjo gjë mund të jetë problematike. Sidomos në qoftë se jemi persona që duam të fokusohemi në përditshmërinë tonë dhe mos humbasim fokusin e punës që jemi duke u marë në momente të caktuara të ditës.
Me këto këshilla ne mund të mësojmë dhe ndihmojmë veten për të mos e bërë telefonin varësinë tonë dhe të shpeshtojmë përdorimin , vetëm kur ai është i panevojshëm.
Këshillat që duhen ndjekur:
- Heqim njoftimet- Kjo metodë na ndihmon të kalojmë sa më pak kohë në telefon kështu që është e rekomandueshme të çaktivizojmë njoftimet të paktën te aplikacionet që i shohim më pak të rëndësishme dhe nuk kanë të bëjnë me punën tonë. Njoftimet e shpeshta janë faktori numër një i humbjes së vëmëndjes. Ndaj sa më pak të tilla aq më pak do jetë dëshira për ta përdorur atë.
- Fshini disa nga aplikacionet- Kjo mund të tingëllojë e vështirë sidomos nëse përditshmëria juaj është kontrollimi i mediave sociale . Është e rekomandueshme që të fshini ato aplikacione që e gjeni veten më shumë duke parë. Mund të duket sfiduese , por kjo do të ndihmojë shumë që të gjeni fokusin te gjërat që janë më vërtetë të rëndësishme dhe nuk ndodhen përtej ekranit.
- Mos e përdorni para gjumit- Një nga kohët ku ne i japim prioritet telefonit më së shumti është gjatë natës. Ne shtyjmë orët e gjumit duke përdorur telefonin , në vend që të biem në gjumë menjëherë . Kjo ndonjëherë mund të ndihmojë që të flemë më herët , por edhe mund të na mbaj zgjuar deri natën vonë. Kur është kjo e dyta, ajo që mund të bëjmë është të mos lejojmë që ai të mbahet afër shtratit tonë në mënyrë që gjumi i plotë të jetë prioriteti i ynë i vetëm.
- Vendosni rregulla kur jeni me miqtë- Një metodë më motivuese është ajo midis miqve në të cilën mund ta arrini nëpërmjet një mini marrëveshjeje me njëri-tjetrin, ku telefoni nuk duhet përdorur sa herë ju jeni bashkë. Kjo si metodë ndihmon shumë pasi forcon marrëdhëniet shoqërore , ndihmon që ta shpeshtojmë dhe të kuptojmë që mund të argëtohemi me njëri – tjetrin pa pasur nevojën të jemi në telefon.
Foto marë nga Addiction Center.
