Krahas muzeve të ndryshëm në Tiranë Muzeu i Gruas është një muze i cili nuk njihet nga shumë persona ,por që ja vlen të vizitohet për shkak të autenticitetit që ai mbart.
Duket se qyteti i Tiranës dita-ditës krijon më shumë hapsira për të promovuar dhe treguar një pjesë të trashëgimive dhe historisë të vendit, po kësaj rradhe ai ka të bëj me gratë.
Ky muze vjen në jetë nga një iniciativë personale ardhur nga Elsa Ballauri , aktiviste e të drejtave të njeriut , gazetare dhe koleksioniste.
Muzeu ka një tematikë më të veçantë se muzetë e tjerë. Ai përfshin rrugëtimin në emancipimin dhe zhvillimin e gruas në etapa të ndryshme kohore si në fushën sociale , por edhe në atë ekonomike.
Fokus i këtij muzeu janë gratë dhe në të gjenden sende personale të tyre qofshin ato fotografi, dokumente, kapela, revista dhe gazeta të portretizimit të tyre ndër vite.
Periudha kohore e sendeve të gjetura në muze përkojnë nga koha e antikitetit dhe deri te regjimi komunist. Për të gjithë ata që janë kuriozë të njohin pak nga regjimi komunist dhe sesi shiheshin gratë gjatë asaj periudhe, ky muze është i duhuri. Në muze shfaqen gjithashtu edhe kontributet e bëra nga gratë për shkollat shqipe dhe shoqatat e grave.
Muzeu ndodhet në rrugën ‘’Myslym Shyri”; në qendër të Tiranës shumë afër Muzeut Kombëtar.
Foto marë nga Bashkia Tiranë.
