Teksa sezoni i plazhit ka filluar, të gjithë bëjnë gati kremrat e tyre të diellit. E shpesh herë drejtohen te kremi i mbetur përgjysmë nga vjet. Por a skadon kremi i diellit pas një viti?
Sipas Shari Marchbein, një dermatologe e certifikuar në New York City : “Kremrat e diellit skadojnë dhe absolutisht nuk duhet të përdoren kurrë pas datës së skadencës”,- ka thënë ajo për “Allure” .
“Ashtu si ushqimi, rrezet e diellit mund të ndikojnë keq edhe te përbërësit e kremit, duke i dëmtuar dhe holluar”
“Kremrat, gjithashtu, bëhen më pak efektivë, pra kanë më pak potencial të të mbrojnë nga djegiet e diellit, dëmtimet, njollat kafe, madje edhe nga rreziku për zhvillimin e kancerit të lëkurës.“,- vijoi ajo.
Pra duhet të keni parasysh se disa kremra kundër diellit përfshijnë një datë skadence , një datë që tregon se kur ato nuk janë më efektive. Hidhni kremin kundër diellit që i ka kaluar data e skadencës. Nëse blini krem kundër diellit që nuk ka një datë skadence, shkruani datën e blerjes në shishe. Mos harroni të hidhni shishen kur të kenë kaluar tre vjet nga data e blerjes.
Foto marë nga Good Housekeeping, Google.
