Nëse dëshironi të shkoni për një piknik ose të shijoni një natyrë të qetë , liqeni i Bovillës është zgjedhja e duhur.
Liqeni i Bovillës është një nga perlat më mahnitëse të fshehura të Shqipërisë.
I vendosur rreth 15 km larg nga kryeqyteti i Shqipërisë , ky vend është shumë i lehtë per tu vizituar.
Liqeni i Bovillës është formuar rreth 15 vite më parë, dhe sot është kthyer në një nga atraksionet turistike më të kërkuara në periferi të Tiranës.
I vendosur midis dy vargmaleve, Krujë – Dajt ky liqen ndodhet në një hapësirë që shtrihet në zonat e Krujës dhe Tiranës.
Përreth liqenit do të shihni majat e blerta të maleve që i japin liqenit pamjen e tij unike.
Në perëndim mund të shihni malet e Gamtit dhe Brarit, si dhe malin e Dajtit në juglindje. Në lindje kufizohet me malet e Xibrit dhe Kotit që ndodhen në veriperëndim midis malit të Skënderbeut dhe në juglindje të “Malit me Gropa”.
Emri i Bovillës është tepër i njohur për vendasit pasi që nga viti 1998, Bovilla ka qenë furnizuesi kryesor me rreth 50% të të gjithë konsumit të ujit të pijshëm për qytetin e Tiranës dhe të gjithë zonën e banimit përreth.
Zona përreth Bovillës ka një bukuri mahnitëse me ujëvarën e Bovillës, grykën e Bovillës dhe dhe shkëmbinjtë përreth.
Ngjitja e maleve mbi Bovillë është një nga aktivitetet më të bukura që mund të bëni, e cila pa dyshim nuk duhet humbur.
Foto marë nga Bashkia Tiranë.
