Presidenti i Shteteve të Bashkuara, Donald Trump, njoftoi më 12 janar 2026 se vendet që bëjnë biznes me Republikën Islamike të Iranit do të përballen me një tarifë doganore 25 % për tregtinë që ato kryejnë me tregun amerikan. Ky njoftim erdhi në një kohë të tensionuar ndërkombëtare, ndërsa në Iran vijon një valë e madhe protestash antiqeveritare dhe shtypja e tyre nga autoritetet.
Trump deklaroi se masa hyn “në fuqi menjëherë” dhe se çdo vend që vazhdon të ketë marrëdhënie tregtare me Iranin do të paguajë këtë tarifë për mallrat që eksporton në Shtetet e Bashkuara. Edhe pse njoftimi është bërë publik, Shtëpia e Bardhë ende nuk ka dhënë udhëzime zyrtare për implementimin e tij apo për përkufizimin e saktë të termit “tregti me Iranin”, gjë që krijon paqartësi se cilat marrëdhënie ekonomike do të preken dhe si do të zbatohen tarifat.
“Effective immediately, any Country doing business with the Islamic Republic of Iran will pay a Tariff of 25% on any and all business being done with the United States of America. This Order is final and conclusive. Thank you for your attention to this matter!” – President Donald J. Trump
Si lidhet kjo me Shqipërinë?
Disa media te huaja kanë përmendur se Shqipëria bën tregti me Iranin, me vlerë të përmendur rreth 25 milionë euro në vit. Edhe pse kjo shifër nuk është shumë e madhe në terma absolutë, pyetja është nëse një vend i vogël si Shqipëria mund të “preket” nga këto masa amerikane nëse këto marrëdhënie ekonomike mbeten aktive. Deri tani, nuk ka një listë zyrtare të shteteve që do të penalizohen drejtpërdrejt, dhe shumë varet nga interpretimi i politikës së re dhe nga vendimet se si do të zbatohen tarifat në praktikë.
Reagimet ndërkombëtare
Lëvizja e SHBA-së ka shkaktuar reagime në skenën ndërkombëtare. Kina, partneri më i madh tregtar i Iranit, ka kritikuar vendimin dhe ka paralajmëruar se do të mbrojë interesat e saj ekonomike, duke nënvizuar se “nuk ka fitues në një luftë tregtare”. Vendet e tjera që kanë marrëdhënie të forta tregtare me Teheranin, si India, Turqia dhe Emiratet e Bashkuara Arabe, janë gjithashtu në mesin e atyre që mund të ndiejnë pasojat e kësaj politike.
Çfarë nënkupton realisht kjo masë?
• Tarifa prej 25 % do të aplikohet mbi mallrat që vendet eksportojnë drejt SHBA-së, nëse ato vazhdojnë të kenë marrëdhënie tregtare me Iranin.
• Trump nuk ka specifikuar nëse tarifa prek vetëm mallrat apo edhe shërbimet, apo se si do të zbatohen sanksionet ndaj vendimeve të bizneseve private.
Foto nga White House Facebook page
Artikulli i përgatitur nga ACTVUSA
