Tiranë – Në një ceremoni të veçantë përmbyllëse, të mbajtur në Tiranë, Zëvendës Ambasadore e SHBA-së në Shqipëri, Nancy VanHorn, falënderoi autoritetet shqiptare dhe ekipet e FBI-së për përfundimin e Trajnimit mbi Mbikëqyrjen dhe Analizën e Celularëve, një kurs i rëndësishëm për forcat ligjzbatuese shqiptare. Në ngjarje ishin të pranishëm Rektori Mandro, Kryeprokurori i Posaçëm Braho dhe Drejtori Keta, si dhe ekspertë të FBI-së, përfshirë Brendan Collins, Kala dhe Joe Danneff, të cilët ndanë njohuritë e tyre të specializuara.
Në fjalimin e saj, VanHorn theksoi rëndësinë e përbashkët të luftës kundër krimit të organizuar dhe trafikut ndërkombëtar të drogës, prioritet kryesor i Ambasadës së SHBA-së dhe administratës së Presidentit Trump. Ajo përmendi se kriminelët ndërkombëtarë përdorin taktika “të ndërlikuara të përshtatjes”, duke krijuar kërcënime të pazakonta për sigurinë kombëtare, dhe nënvizoi se këto rrjete destabilizojnë shtet-kombet dhe nxisin emigrim masiv.
VanHorn vuri në dukje se grupet kriminale, përfshirë ato shqiptare që bashkëpunojnë me kartelet e Amerikës Latine, përbëjnë kërcënime të konsiderueshme për sigurinë dhe ekonominë e vendit. Trajnimi i ri u ofron pjesëmarrësve mjete dhe aftësi për të analizuar të dhënat celulare në hetimet penale, duke përmirësuar ndjekjen penale dhe duke garantuar respektimin e standardeve ligjore dhe etike.
Trajnimi u ofroi pjesëmarrësve mjete dhe aftësi të reja për të analizuar të dhënat celulare në hetimet penale, duke forcuar ndjekjen penale dhe duke garantuar respektimin e standardeve ligjore dhe etike. Megjithatë, kjo iniciativë e SHBA-së shihet gjithashtu si një paralajmërim për qeverinë Rama, e cila deri më tani ka dështuar në luftën efektive kundër trafikut të drogës dhe krimit të organizuar. Mesazhi i VanHorn është i qartë: lufta kundër drogës dhe përforcimi i drejtësisë në Shqipëri kërkojnë veprime konkrete dhe institucionale, dhe nuk mund të mbeten vetëm deklarata politike.
“Ju tani keni pajisje dhe aftësi të reja për hetime të përmirësuara që do të çojnë në më shumë ndjekje penale dhe dënime më të forta të pjesëtarëve të krimit të organizuar,” tha VanHorn, duke uruar pjesëmarrësit për përfundimin e suksesshëm të kursit. Ky trajnimi përforcon bashkëpunimin mes institucioneve shqiptare dhe SHBA-së, duke sjellë standarde të reja në luftën kundër krimit të organizuar dhe trafikut të narkotikëve.
Fjalimi i të Ngarkuarës me Punë Nancy VanHorn në Trajnimin nga FBI për Mbikëqyrjen e Analizës së Celularëve
“Faleminderit Rektor Mandro, Kryeprokuror i Posaçëm Braho dhe Drejtor Keta që na jeni bashkuar për të shënuar përfundimin e këtij trajnimi të rëndësishëm. Dhe dua të falënderoj gjithashtu kolegët tanë të FBI-së Brendan Collins dhe Kala, është kënaqësi t’ju shoh përsëri, Joe Danneff nga Ekipi i FBI-së për Mbikëqyrjen e Analizës së Celularëve, të cilët ndanë ekspertizën e tyre.
Pra, kushdo që ndjek Ambasadën e Shteteve të Bashkuara këtu në Shqipëri e di se lufta e krimit të organizuar dhe trafikimit të narkotikëve janë përparësi kryesore për ne. Dhe kur Presidenti Trump bëri thirrje për eliminimin e plotë të krimit të organizuar ndërkombëtar, ai nënvizoi se këta kriminelë përdorin sjellje “të ndërlikuara të përshtatjes”, duke krijuar kërcënime të pazakonta dhe në zhvillim për sigurinë tonë kombëtare.
Dhe siç tha Sekretari Rubio, organizatat ndërkombëtare kriminale dhe terroriste, veçanërisht ato të angazhuara në trafikimin e narkotikëve, janë kërcënimi më i madh për sigurinë e Shteteve të Bashkuara në Hemisferën Perëndimore, ku këto grupe po destabilizojnë shtet-kombet dhe po i çojnë në emigrim masiv.
Ne do të ndjekim me këmbëngulje prioritetet e Presidentit Trump në Shqipëri, duke forcuar institucionet që luftojnë krimin e organizuar dhe trafikun e narkotikëve si SPAK, BKH dhe Akademia e Sigurisë.
Rrjetet kriminale, përfshirë grupet shqiptare që bashkëpunojnë me kartelet e Amerikës Latine të përmendura nga Sekretari Rubio, përbëjnë kërcënime të konsiderueshme për sigurinë dhe përparimin ekonomik të Shqipërisë përmes aktiviteteve si trafiku i drogës dhe pastrimi i parave. Sikurse e keni parë përmes këtij kursi, këto krime po mundësohen nga teknologjitë moderne.
Dhe përmes këtij trajnimi, ju tani keni mjete të reja hetimore dhe aftësi analitike për të shfrytëzuar të dhënat celulare në hetimet penale. Kjo përmirëson hetimet tuaja, duke siguruar gjithashtu respektimin e standardeve më të larta ligjore dhe etike.
Dhe ju tani keni pajisje dhe aftësi të reja për hetime të përmirësuara që do të çojnë në më shumë ndjekje penale dhe dënime më të forta të pjesëtarëve të krimit të organizuar.
Ndaj, urime për përfundimin e këtij kursi dhe faleminderit që më lejuat të jem me ju sot”
Foto nga Google Images
Artikulli i përgatitur nga ACTVUSA
