Është shtyrë seanca paraprake në GJKKO për kryebashkiakun e Tiranës Erion Veliaj, ku gjykata do të vendoste nëse çështja do të kalonte apo jo për gjykim. Teksa i pranishëm në sallë ishte edhe Veliaj, togat e zeza vendosën të shtynin gjyqin për në 2 shkurt. Gjykata e Posaçme rrëzoi kërkesën e avokates kryesisht të kryebashkiakut të Tiranës për kohë për t’u njohur me aktet dhe leje që të takonte Veliajn në burg. Veliaj ka vijuar me pretendimin se nuk është njohur me dosjen. Gjykata ka vendosur të mbyllë shqyrtimin, duke i konsideruar si abuzive kërkesën e avokatëve dhe mungesë vullneti për të paraqitur prapësimet. Më vonë gjykata ka revokur vendimin, pas kërkesës së avokates kryesisht për të takuar Veliajn në burg dhe paraqitur prapësimet dhe ka shtyrë seancën për më 2 shkurt.
