Rritja e përdorimit të cigareve elektronike është një problem i madh për njerëzit sot. Më së shumti për shkak të dëmtimeve dhe rreziqeve që ajo shkakton sic mund të jenë: dëme në mushkri, lodhje të tepërta si dhe rritje të rrezikut të sëmundjes së kancerit. Po a e dinit se ajo gjithashtu dëmton fytyrën tuaj?
Sipas studimeve të reja avulli i cigareve elektronike mund të jetë një shkaktar i rëndësishëm i dermatitit të kontaktit. I cili është një lloj inflamacioni lëkure që ndodh në momentin kur lëkura bie në kontakt me një irritues.
Simptomat më të zakonshme të dermatitit të kontaktit përfshijnë skuqjen, kruajtjen dhe ënjtjen. Lëkura mund të krijojë flluska ose të shpërthejë në raste të rënda në një skuqje.
Së dyti pirja mund të shkaktojë edhe puçrra . Një nga përbërësit kryesorë të cigareve elektronike është glikol propilen, i cili mund të jetë një irritues i lëkurës dhe të çojë në shtim puccrash. Përveç kësaj, nikotina është një tjetër përbërës në cigaret elektronike që mund të bllokojë poret dhe të çojë në akne.
Së treti një nga anët negative që shumë të rinj mund të mos e dinë është se ajo mund të shkaktojë plakje të parakohshme të lëkurës.
Kjo është për shkak se avullimi përfshin thithjen e një lëngu elektronik të avulluar, i cili përmban disa kimikate të dëmshme. Këto kimikate mund të dëmtojnë fibrat e kolagjenit dhe elastinës që i japin lëkurës një pamje rinore.
Përveç kësaj, avullimi mund të shkaktojë ngushtimin e enëve të gjakut në lëkurë, duke reduktuar rrjedhën e gjakut dhe lëndët ushqyese. Si rezultat,jo vetëm që e bën lëkurën të duket më e vjetër, por gjithashtu mund ta bëjë atë më të ndjeshme ndaj rrudhave dhe shenjave të tjera të plakjes.
Kështu që, nëse doni të mbani lëkurën tuaj të re dhe të shëndetshme, duhet të mund të mendoni mirë për të përdorur këto lloj cigaresh.
Foto nga Getty Images.
