Tirana – Besëlidhja sfidë e nxehtë jo vetëm në parket

Superliga e basketbollit të meshkujve do të zhvillojë sot dy ndeshje për javën e 16-të. 

Kamza-Teuta në orën 16:00 në Bathore dhe Tirana-Besëlidhja në orën 19:00 në sallën “Farie Hoti”.

Sfida tepër interesante, që parashikohen të jenë me shumë rivalitet, sidomos ajo ndërmjet bardhebluve dhe lezhjanëve.

Kryeqytetasit vijnë nga një moment i mirë me tre fitore radhazi, ndërsa Besëlidhja po bën një sezon historik, duke kryesuar renditjen.

Pritet interesim i lartë edhe nga dy tifozeritë për këtë takim.

Klubi lezhjan ka vënë autobuz falas për tifozët, por do të ketë në dispozicion vetëm 30 bileta, pra 10% të kapacitetit të sallës sipas rregullores, ndërsa pjesa tjetër i takon skuadrës vendëse.

/BotaSot/