Njohur si një destinacion i cili dhuron natyrën e bukur për ata të cilët e adhurojë , si dhe për hapsirën që jep për personat që adhurojnë sportet dhe duan ti zhvillojnë ato, duket se natyra është treguar shumë bujare me zonën e Shishtavecit.
Shishtaveci një vend i magjishëm gjendur fare pranë Kukësit. I vendosur vetëm 30 km larg tij, kjo zonë ofron shumë për turizmin dimëror.
Në verilindje të Shqipërisë ndodhet fshati Shishtavec , i cili shtrihet përgjatë një kodre që duket të jetë shkëmbore . Fshati ndodhet në lartësinë 1260 m mbi nivelin e detit.
Shishtaveci është i rrethuar nga lëndinat malore të cilat lulëzojnë gjatë pranverës një shumëllojshmëri të gjerë lulesh e bimësh. Kjo zonë është e njohur për prodhimin e patates si dhe të thekrës.
Kjo zonë adhurohet nga turistët gjatë periudhës kur bie dëborë. Gjatë dimrit ai ofron vendin perfekt për për të zhvilluar sportin e skisë.
Përpos kësaj për ata që ndërmarrin udhëtime ose ekskursione , kjo zonë është e duhura , sidomos pa lënë mënjanë vizitimin e Bjeshkëve të Shishtavecit dhe të Kallabakut.
Ministrja e Turizmit dhe Mjedisit, Mirela Kumbaro gjithashtu ka ndarë foto të vendit duke ftuar turistët ta vizitojnë atë .
Foto nga Agjencia Telegrafike Shqiptare , Google.
