Gjilani dhe Prishtina kanë luajtur baras 0-0 në ndeshjen e vlefshme për javën e 24-të në Albi Mall Superligën e Kosovës.
Mysafirët në këtë ndeshje u udhëhiqen nga ndihmës trajneri, Curri, pasi Ismet Munishi është në procedurë disiplinore.
Curri mendon se ky barazim mund të ishte shumë lehtë fitore për kryeqytetasit.
“Ndeshje pas ndeshje kemi ardhur në ritmin tonë. Mendoj se është ngarkesë të kemi çdo të tretën ditë lojë.
Por, pas kësaj ndeshje do të kemi ndeshje më të lehta në letër dhe më shumë mundësi për të shënuar fitore”, ka thënë fillimisht Curri.
“Portieri i Gjilanit, Enea Koliqi pati dy pritje të mira, që mendoj se ndonjë portier tjetër i Superligës nuk do të kishte mundur t’i priste. Thjesht fati nuk ishte me neve”, përfundoi ndihmës trajneri i Prishtinës.
Pas këtij barazimi, Gjilani e sheh veten në pozitën e tretë me 39 pikë, ndërsa Prishtina e katërta me 32 pikë.
/BotaSot/
