Aktori i njohur Dwayne Johnson do të bëhet aktori më i paguar për rolin e tij në komedinë e Krishtlindjeve ‘Red One’, ku do të luajë së bashku me Chris Evans, Lucy Liu dhe Nick Kroll.
Një raport i ri zbulon se filmi i tij i ardhshëm thuhet se do t’i fitojë atij pagën më të lartë të marrë ndonjëherë nga një aktor në historinë e kinematografisë.
Për më tepër, është raportuar se Dwayne Johnson nuk ka pasur një hit në arkë që nga viti 2019, Jumanji: The Next Level. Megjithatë, e gjithë kjo duket se nuk ka ndonjë ndikim tek ai pasi ai po merr një shumë të madhe për filmin e tij të ardhshëm, Red One, i cili përfundoi xhirimet në fillim të këtij viti.
Paga prej 50 milionë dollarësh e Rock do ta kthejë atë në aktorin më të paguar në Hollywood, duke kaluar 40 milionë dollarët e Robert Downey Jr. për Captain America: Civil War.
Red One do të transmetohet në Amazon Prime dhe shuma e 50 milionë dollarësh është vetëm tarifa më e lartë paraprake , pa llogaritur fitimet, aksionet e arkëtimeve dhe shpërblimet e tjera për të.
Foto nga Variety, Google.
